Confuion between Train 25910 and 15910 at NJP Station

काल राते ता गजब भेल रहे महाराज , हम रहली रा न्यू जलपाईगुड़ी स्टेशन पर ट्रेन के इंतज़ार में डरभांगा तीनसुकिया एक्सप्रेस रहे 25910, आबे के समय रहे शाम के 5:55 में, ता हम सारा काम निपटा के साढ़े चार बजे ही स्टेशन पहुंच गेल रही ओला से, बाकी ट्रेन के स्टेटस देखाबते ना रहे, ना ऐप पर ना स्टेशन पर, ना कोनो बताबे ला तैयार रहे, सुनली रा कि आजकल ट्वीट के जवाब जल्दी मिला लेई ता हमहु भारतीय रेलवे आ पीयूष गोयल जी के ट्वीट कर के पूछली लेकिन मिडिल क्लास लोग के ता किस्मत भी मिडिल क्लास, मजाल कि रेपलाई आ जाओ |

हम हैरान परेशान एन्ने से ओन्ने कैले रही, ई बीच में एगो ओर ट्रेन 15910 अवध आसाम के अनऑउनस्मेंट भी आबैट रहे बाकी हमर ट्रेन के कोनो खोज खबर ना.. फेर रात के साढ़े दस बजे अवध आसाम के आबे के अनऑउनस्मेंट भेल एक लमर प्लैटफॉरम पर , हम सोचली की अब हमरो ट्रेन आईबे करी तनी देर में, बाकी झटका ता तब लगल जा डरभांगा तीनसुकिया के भी अनऑउनस्मेंट भेल, आ उहो ट्रेन एके लमर प्लेटफ़ारम पर.. हम ता ई टेंशन में रही कि कही कुछ गलती ना भे गेल की दुन्नू ट्रेन सेम टाइम पर एक्के प्लेटफ़ारम पर कैसे, बाकी जबले हम कुछ बुझती तब ता अवध आसाम आ के लग गेल प्लेटफ़ारम पर, आ अनऑउनस्मेंट भेल की डरभांगा तीनसुकिया भी आ गयी,

ए भाई, लागत रहे कि दिमाग फट के फ्लॉवर हो जायी, मामला समझे के चक्कर में ता ट्रेन के दु चक्कर मार देली, सोचली कि कोनो पसीनजर से पूछ लेबल जाओ, ई सोच अवाज लगावनी, चचा, ओ चचा, बाकी मरदे सुने ला तैयार ही ना, मन ता करलक कि मिर्ज़ापुर के मुन्ना त्रिपाठी भैया नियर एडिशनल वैल्यू के साथ चचा के आवाज लगा के देखूं कि तबले एगो सफाई कर्मचारी खुदे इंटेरेस्ट ले के बातइलाक कि भाई, चढ़ जा, दुन्नू एक्के ट्रेन है, ओन्ने से अवध असम लालगढ़ से आबा लेई और एन्ने से डरभांगा  तीनसुकिया चला लेई, आ समस्तीपुर में दुगो बोगी काट के अवध असम में जोड़ के एन्ने आबा लेई, मने कुछउओ करता है लोग, दुगो बोगी के लोग के पते ना कि रास्ता मे उनकर ट्रेन बदला जा ले, जेकर स्टेटस तक ना दिखे...

हम ता कसम खा लेली, भले प्लेटफ़ारम पर रात बिताएंगे, लेकिन उस ट्रेन से फिर नहीं जाएंगे 🤪🤪

खैर उतरे घड़ी ऊ सफाई कर्मचारी के बीस रुपया देली खुशी से ता उहो थनकू बोललक, हम भी मशीन नट बोल के चल देली सालामति से नागालैंड पहुच गेली, ड्राइ है, ठीक है

 #tagautam #njpdairy #march2k19 #educatererindia.com #newjalpaigudi

http://educatererindia.com/ 

https://educatererindia.blogspot.com/2018/10/communication-technologies.html